Waimatek_ip Q NnL5Q Ggd E s Uw 8zN k ZzGw
- Denne artikkelen handlar om byen og distriktet på Sørøya på New Zealand. For misjonsstasjonen Waimate Mission Station på Nordøya, sjå Te Waimate mission.
| Waimate | ||
  |
||
| Urbant område | ||
|---|---|---|
| Folketal: | 2 835 [1] | |
| Distrikt | ||
 |
||
| Namn: | Waimate District Council | |
| Folketal: | 7 206 [1] | |
| Flatevidd: | 3 582,19 km² | |
| Mayor: | John Coles | |
| Heimeside: | http://www.waimatedc.govt.nz/Waimate/ | |
| E-post: | council@waimatedc | |
| Utstrekning: | Pareora River til Waitaki River, Stillehavet til Hakataramea Valley | |
| Regionstyre | ||
| Name: | Canterbury Regional Council | |
Waimate er ein by og eit distrikt på Sørøya på New Zealand. Det ligg 45,7 km sør for Timaru, i den sørlege delen av regionen Canterbury, 20 km nord for elva Waitaki River.
Folketalet i Waimate District var 7 206 innbyggjar ved folketeljinga i 2006. Waimate hadde i 2006 det lågaste talet på maoriinnbyggjarar av alle distrikt på New Zealand, med 375 menneske[1]. Flatevidda er 3 582,19 km².
Waimate er godt kjend for bestanden av ei art wallaby, Bennett's wallabies (Macropus rufogriseus). Desse pungdyra vart innførde frå Australia og lever no vilt i områda kring byen. Det vert også drive lokal avl av desse dyra, og dei vert stundom eksporterte til zoologiske hagar[2].
Innhaldsliste
- 1 Historie
- 2 Geografi
- 3 Rurale samfunn
- 4 Økonomi
- 5 Venskapsbyar
- 6 Referansar
- 7 Bakgrunnsstoff
Historie[endre | endre wikiteksten]
Frå 1877 til 1966 hadde Waimate jarnvegssamband gjennom ei sidelinje sju km austover mot Studholme med Main South Line. Då sidelinja vart lagd ned i 1966, vart Waimate den første større byen på New Zealand som miste jarnvegssambandet.
Geografi[endre | endre wikiteksten]
Waimate District grensar til Waitaki River i sør, Pareora River i nord og Hakataramea Valley i vest. Distriktet er eit svært produktivt jordbruksområde med ei blanding av beitemarker, dyrking av plantevekstar, mjølkeproduksjon, frukt- og grønsaksdyrking.
Waihao River, som har nedslagsområdet sitt i Hunter Hills, renn austover på sørsida av byen og går saman med Waimate Creek. Båe tømmer seg til slutt svært nær sjøen i Wainono Dead Arm, som så renn ut i Wainono Lagoon nær Studholme.
Rurale samfunn[endre | endre wikiteksten]
- Glenavy
- Hook
- Hunter
- Ikiwai
- Makikihi
- Morven
- Otaio
- St. Andrews
- Studholme
- Waihao Downs
- Waihaorunga
- Waituna
Økonomi[endre | endre wikiteksten]
Liksom mange landlege distrikt på New Zealand, vart òg Waimate råka av den økonomiske nedgangen i 1980-åra, med nedlegging av meieriverksemda og ei rekkje sagbruk. I det siste tiåret av den 20. hundreåret var dei største arbeidsgjevarane i distriktet to møbelfabrikkar, ein fabrikk som produserte vegetabilske produkt og ein fabrikk som laga pommes frites og andre potetprodukt, alle i Makikihi. Alle, utanom den sistnemnde, vart nedlagde i løpet av dei første åra av det 21. hundreåret. Ei nyoppretta stor trelastverksemd, og bygging av ein stor mjølkepulverfabrikk har, saman med auka velstand i det mjølkeproduserande landbruket og ein lokal byggeboom, skapt ny optimisme i Waimate.
Venskapsbyar[endre | endre wikiteksten]
Bourail i Frankrike
Milton-Freewater i Oregon i USA
Referansar[endre | endre wikiteksten]
- ↑ 1,0 1,1 1,2 QuickStats About A Place Frå folketeljinga i 2006. Statistics New Zealand
- ↑ «Wallabies». Waimate District Council. 2004. Henta 15 mars 2010. Sjekk datoverdiar i
|besøksdato=(hjelp)
Bakgrunnsstoff[endre | endre wikiteksten]
- Heimesida til Waimate District Council.
- An Encyclopedia of New Zealand 1966: Waimate
- Kyrkjer Waimate.
- Uoffisiell Waimate-side Bilete og lenkjer.
Koordinatar:
- Denne artikkelen bygger på «Waimate» frå Wikipedia på engelsk, den 15. mars 2010.
Distrikt på New Zealand | ||
|---|---|---|
| Byar (Cities) | North Shore City · Waitakere · Auckland · Manukau City · Hamilton · Tauranga · Napier · Palmerston North · Porirua · Upper Hutt · Lower Hutt · Wellington · Nelson¹ · Christchurch · Dunedin · Invercargill |  |
| Nordøya | Far North · Whangarei · Kaipara · Rodney · Papakura · Franklin · Thames-Coromandel · Hauraki · Waikato · Matamata-Piako · Waipa · South Waikato · Otorohanga · Rotorua · Waitomo · Taupo · Western Bay of Plenty · Whakatane · Kawerau · Opotiki · Gisborne¹ · Wairoa · Hastings · Central Hawke's Bay · New Plymouth · Stratford · South Taranaki · Ruapehu · Wanganui · Rangitikei · Manawatu · Tararua · Horowenua · Kapiti Coast · Masterton · Carterton · South Wairapa | |
| Sørøya | Tasman¹ · Marlborough¹ · Buller · Grey · Westland · Kaikoura · Hurunui · Waimakariri · Selwyn · Ashburton · Timaru · Mackenzie · Waimate · Waitaki · Queenstown-Lakes District · Central Otago · Clutha · Gore · Southland | |
| Territorium, autonome område og biland | Chathamøyane · Tokelau · Cookøyane² · Niue² · Ross Dependency³ | |
| ¹ Sameint styresmakt. ² Sjølvstyre, i fri assosiasjon med New Zealand. ³ Antarktisk biland, administrert av New Zealand. | ||
|