TaxoloRlaip i VI n lu 0 4Ccmu j x Mm Qq123t
Al taxolo (pronuncià Tacsolo) al è an conposto doperà de sti tenpi pì che sia in chemioterapia par al tratamento de i tumor. Al taxolo al è na "droga" che la à an efeto de stabilizažion su i microtubui parchè la cadena lateral de sta molecola la è in grado de interagir co i microtubui. Al altera al equilibrio de polimerizažion/depolimerizažion de i microtubui provocando la formažion de struture microtubulari tant stabili e de conseguenža alternado i mecanismi ch ei regola al ciclo celular. Al taxolo al gnen cavà da la scorža de 'l pola de nass, la atività "tossica" de i tassoidi (cossì i se ciama i conposti che gnen da i pola de nass) la era belche cognossesta a i tenpi de i Romani, come che se desume da i scriti de 'l 51 a.C. (De Bello Gallico) come velen mortal. Inte la Merica de 'l Nord-Est tribù indigene le usea estrati de la scorža de la pola de nass mericana come desinfetante, abortiu e contro al melanoma.